Paroyan

An paroyan o kabasan iyo an daga na piggagamit sa pagpatalubo nin tinanom urog na an paroy asin natong. Naggikan iyan sa kulturang pag-uma nin paroy kaidtong panahon nin Neolitiko kan Salog Yangtze sa habagatan na Tsina, asosyado sa kulturang pre-Austronesya asin Hmong-Mien. Lakop iyan sa pre-Historikong panahon huli sa ekspansyon kan mga tawong Austranesyo pasiring sa kaislahan kan Sur-subangan na Asya, Sur-subangan na Asya kabali an Norte-subangan na Indya, Madagaskar, Melanesia, Mikronesya, asin Polynesia. An teknolohiya nakua gikan sa ibang kultura sa kadagaan kan Asya para sa pag-uma nin paroy, lakop sa Subangan na Asya, Kadagaan na Sur-subangan na Asya, asin Habagatan na Asya.